提起世上數一數二嘅神兵利器，除咗有阿史之前介紹過嘅天下第一劍「越王勾踐劍」之外，其實仲有一把大家最初都估佢唔到咁犀利嘅匕首——「圖坦卡蒙」匕首。

古埃及法老圖坦卡蒙（Tutankhamun）嘅陵墓其實早喺1922年11月就已經被發現，雖然當時好多墓葬文物已經被盜，但佢仍然係一個考古發現異常豐富嘅墓葬，細小嘅墓室之中仍然有5000幾件工藝精湛嘅器物出土，當中最著名嘅除咗有「圖坦卡蒙」之外，其實仲有一把最初唔太起眼嘅匕首。

喺考古發掘初時，其實係有兩把匕首被發現，一把係喺法老胸部嘅純金匕首，而另一把就係「鐵製」匕首。最初可能大家都覺得純金打造嘅匕首會比較珍貴，但隨住研究展開，考古團隊就發現另一把匕首唔係「鐵製」咁簡單，而係由隕石打造。

經過考古團隊對刀片進行分析，結果發現匕首其中包含10%鎳、0.6%鈷，再經過X射線螢光分析同11種金屬隕石進行比對，結果發現兩者相當相似，難怪會用到水晶、黃金作為手柄，再配以黃金劍鞘。而呢把匕首應該就係喺西元前14世紀打造。而當時埃及鐵器係相當稀少，所以真係一啲都唔簡單！

原圖嚟自網絡