提起樓蘭呢個地方，相信唔少史友都會諗起一句詩句「黃沙百戰穿金甲，不破樓蘭終不還」，而「樓蘭」呢個地方亦都係確實存在，並且有個巨大嘅考古遺址。之不過唔知史友們又有冇發現，其實關於上世紀樓蘭古國考古調查詳細報告一直都唔係點搵到呢？而時隔35年之後，呢份咁重要嘅新中國唯一樓蘭考古報告就重新面世，阿史今次就同大家介紹下啦！

雖然呢份考古報告係新中國迄今唯一一次樓蘭古國考古調查詳細報告，但其實成份報告係基於中國1980年一次考古調查而寫成，成稿日期更加係1987年3月。當時負責呢份報告嘅作者係著名西域史專家侯燦，經過多年時間佢就整理出三份簡報同埋三份文章，並且喺1987年3月發表，之不過當佢想刊登呢份完整報告就遇到唔少難題而被退稿，例如就係話佢發表嘅文章已經蓋報告的主要內容、又例如有報社表示「我社目前紙張緊缺」。於是，呢份報告就係咁樣消失咗。

後來雖然侯燦繼續爭取將報告出版，但就一直都冇進展，在此之前，其實國外對「壟斷」咗蘭研究長達80年，唔少文物，珍貴簡牘文書都被帶走，所以呢份報告意義相當重大。後來喺1984年，侯燦先成功發表到第一篇樓蘭研究論文《論樓蘭城的發展及其衰廢》，又喺1985年以英文發表樓蘭研究文章，關於樓蘭研究佢足足累積咗幾十萬字外文資料譯本，係掌握樓蘭資料最全嘅學者。

而喺2016年侯燦去世之後，就有人搵到侯燦妻子表明希望將書稿幫助出版，先令呢份「失蹤」報告喺35年後將面世。

原圖嚟自網絡