最近阿史又睇返《三十六計》，溫故知新之餘仲可以重溫下啲歷史故事。近期睇咗三十六計之一空城計嘅故事。不過，故事還故事，可能民間認知就同歷史有啲出入。

一講到空城計就會諗起諸葛亮，之不過歷史上諸葛亮就空城計無乜關係。有文獻記載第一位用空城計嘅係一個叫叔膽嘅人。叔膽係春秋時代鄭國人，《史記》就話佢係鄭國公子，但《春秋公羊傳》就話佢只係低下階層。响魯莊公二十八年，楚國子元揮軍攻鄭，叔詹大膽用空城計，中門大開。子元見到呢個情況就話：「鄭有人焉。」最終就撤兵而回。

至於諸葛亮，其實响史籍上就無提及過佢用空城計，當然又係民間傳說之後寫成小說講到似層層，同話佢六出祁山一樣係作出嚟。話時話，唔知個位教中史嘅校長會唔會又教錯學生呢？

原圖：《三國演義》劇照