呢排都同史友們介紹咗唔少關於故宮嘅故事，而關於故宮其實歷年嚟都有唔少奇怪傳聞，其中一條就係今時今日嘅故宮博物院喺5點之前就必定會關門，當中甚至仲傳出同「陰兵借道」有關，到底真相係點呢？阿史今次就同大家講一講啦！

故宮自明朝時期建立、歷經清朝走到民國，喺咁長嘅歷史入面，後宮嘅勾心鬥角，朝中大臣嘅爭權奪利自然就令到唔少人招來殺生之禍，亦都有唔少冤魂產生。本來呢啲傳說都唔係咩大問題，之不過嚟到現代故宮雖然係已經對外開放，但其實每日都規定會喺5點之前清空所有遊客關門，面對呢條咁嚴謹嘅規則，歷來就有唔少遊客表示自己曾經見過「陰兵借道」、「宮女走路」，所以先至有呢條規則。

但真相又係點呢？先講一講「陰兵借道」、「宮女走路」呢啲傳聞，其實見到呢啲現象嘅遊客並唔係講緊大話，而係因為故宮宮牆以紅色為主，當中就有四氧化三鐵嘅磁性物質，每當一有閃電就會好似相機咁將經過嘅人「影」低，而當天氣好果陣就會令到呢啲「相片」重現，所以就會有「陰兵借道」、「宮女走路」嘅現象喇！而之所以要五點就關門，其實係為咗可以保護文物，故宮內部係冇裝到照文燈，所以如果夜色昏暗一嚟容易產生意外，二嚟亦都會增加被盜竊嘅機會。

原圖嚟自網絡