近排就同史友們介紹咗唔少關於故宮嘅歷史同故事，無論有冇去過故宮，相信史友們都必定知道呢個宮殿建築群係以紅色為主，但到底點解呢個冇乜紫色嘅故宮，會喺被稱為「故宮」之前叫做「紫禁城」呢？今次阿史就同大家介紹下啦！
雖然「紫禁城」當中係有個「紫」字，但呢度嘅「紫」並唔係解做顏色，講開就真係有段故。喺古代嚟講，古人對遠古星辰都有住崇拜嘅習慣，佢哋認為天帝居住嘅地方就係紫微垣，而歷史上嘅帝王都係以「真龍天子」、「天子」等等自稱，咁所以佢哋居所先係叫做「紫宮」。
至於「禁」其實就好簡單理解，因為古代只有被召見嘅官員同埋特許人員先至可以進入呢個地方，平民百姓基本上一世都冇可能入去到，咁所以呢個宮殿就成為天下最大嘅「禁地」，兩者加起嚟就係「紫禁城」咁解喇！
原圖嚟自網絡