最近俄羅斯總統普京可以成為全球嘅風雲人物，因為俄羅斯同烏克蘭發生戰爭，唔少人覺得呢場戰爭打同唔打只憑佢老哥嘅意願。

普京可以話係俄羅斯一位傳奇政治人物，由特工做到俄羅斯總統，都真係好傳奇下。呢位前蘇聯國家安全委員會KGB成員、俄羅斯聯邦安全局局長，個人經歷一直俾人好神秘嘅感覺，其中一個關於佢以前事績嘅故仔就係列根出訪莫斯科。早幾年前美國個邊嘅媒體，就話1988年時任美國總統列根訪問蘇聯，响莫斯科出遊紅場個陣，就同一位小朋友握手，當時美國個邊嘅攝影師就將呢個情景影得咗。不過事隔多年後，啲人就發現當日企响個小朋友後個位男遊客，個樣個款就好似普京，所以就有人話當時蘇聯就派做緊特工嘅普京假扮遊客。

咁呢件事係咪真嘅呢？多年嚟俄羅斯方面都無承認過個位係咪普京，亦有人話睇返以前啲相普京頭髮唔多，同相中位遊客頭髮咁濃密有啲出入喎。唔知史友們又點睇尼？

原圖嚟自網絡