今日係3月8日國際婦女節嘅日子，相信唔少史友們都知道，呢一日嘅起源係同百幾年前美國紐約過萬名女子走上街頭，要求縮短工時、爭取更好待遇同埋福利有關。之不過，史友們又知唔知，點解婦女節最後會訂立喺3月8日呢？今次阿史就同大家介紹下啦！

其實美國嘅呢場遊行係發生喺1908年，而美國嘅婦女節就係出現喺1909年，至於國際婦女節就係1910年先至由德國女權先鋒蔡特金（Clara Zetkin）喺丹麥哥本哈根出席國際勞工婦女會議（International Conference of Working Women）提出為國際活動。咁點解要係3月8日呢？

原來當時蔡特金（Clara Zetkin）提出呢個諗法時並冇特定日子，後而係喺7年之後先至決定。原來喺一戰過後，俄羅斯軍事失利政局不穩，社會上唔少女性都發起罷工要求有更好嘅福利，結果冇幾耐俄國末代沙皇尼古拉二世（Nicholas II）被迫退位，新上台嘅政府亦都賦予女性更多權利。而佢哋發起示威嘅日子正正就係3月8日，所以大家就將呢一日訂立為國際婦女節喇！

原圖嚟自網絡