朱元璋手下有個「常十萬」

上次介紹咗明代開國功臣徐達，今次就要介紹另一位開國功臣常遇春。

常遇春同朱元璋、徐達一樣，都係鳳陽人，即今日安徽鳳陽一帶。佢最初係跟從劉聚起事，後嚟就加入朱元璋陣營。講到常遇春，佢同徐達一樣响多場關鍵戰役當中佢都有份參與，好似打敗陳友諒、張士誠同北伐大都等，絕對係朱元璋麾下一員猛將。由於咁猛，所以佢有個外號叫「常十萬」。咁係乜野意思呢？意思就係佢自言能將十萬軍橫行天下，足見呢個人極度自信。而《明史》對佢描述係咁：「沉鷙果敢，善撫士卒，摧鋒陷陣，未嘗敗北。」對佢評價真係相當高。不過，呢位猛將兄就响四十歲個陣就死咗，死因係「暴疾卒」。朱元璋知道常遇春突然死咗就非常傷心，於是佢下令賜常遇春葬鐘山之下，並親自出奠，追封為「開平王」，諡為忠武，配享太廟，肖像功臣廟，位皆第二。

常遇春咁得朱元璋歡心，自然又有唔少朱元璋心狠手辣嘅故事，不過對象就唔係常遇春，而係常遇春。話說常遇春藍氏係出名嘅「妒婦」，妒忌心極重，於是朱元璋就殺咗藍氏，仲將啲肉熬成肉湯俾常遇春飲。結果常遇春知道之後就一病不起，呢個故事亦成為常遇春暴斃嘅民間傳說。當然！應該又係作得就作。