上次介紹過康熙做皇帝後善待兄弟們，而佢之所以做到皇帝，其中一個原來就係佢染過一種病，就因為咁令佢响皇子當中脫穎而出。
呢個病就係天花喇！上次都提及過，佢細個個陣染過天花，令佢面上痘印無法消除，所以成面都係「麻子」。而根據外國使節嘅記載，話康熙塊面有唔少痘印，呢個就係康熙染過天花嘅可靠證據。一直有研究清史嘅專家講，滿州人對天花無免疫力，所以即使皇帝都要死响呢種病毒手上。好似順治帝就講過自己「患痘勢將不起」，呢個痘清史專家孟森就認為係天花。亦因為滿族皇室個個都怕天花呢個病，所以當時孝莊太后幫順治揀太子時，就接受湯若望的建議，因年幼嘅玄燁曾得過天花具有免疫力，唔怕再因呢個病令皇權真空，所以玄燁被獲選立為皇太子喇！
原圖嚟自網絡