康熙為鰲拜平反？

清代康熙皇帝同鰲拜嘅故事相信史友們都耳熟能詳，無論係周星馳套電影《鹿鼎記》，抑或大台好耐之前套《天子屠龍》，都講到鰲拜點衰之後康熙點搞掂佢，但原來康熙對鰲拜都有仁慈一面。

响康熙八年，康熙皇帝就以「結黨專擅，勿思悛改」等罪名，下令議政王捉拿鰲拜，捉咗鰲拜後康親王傑書就列出鰲拜三十條大罪，主張唔單止要對鰲拜用大刑，連佢個仔納穆福都要死。不過康熙就念在鰲拜歷事三朝，不忍加誅，最終免納穆福一死，鰲拜亦只係拘禁。到咗康熙五十二年，康熙又覺得鰲拜昔日有功勞，於是就追賜一等阿思哈尼哈，亦即係算係為佢平反。而雍正年間，更復封鰲拜為一等公，予世襲。

所以話，康熙解決咗鰲拜之後，對鰲拜都唔係趕盡殺絕。