繼續同史友們介紹一啲歷史上嘅謎題，秦始皇陵墓即使距今已經過千年，但仍然被稱為世界十大奇蹟之一，甚至秦始皇陵墓地宮當中仲可能有住唔少機關，咁到底要建成一個咁大規模並且精密嘅陵墓要幾耐時間呢？今次阿史就同大家講一講啦！

喺呢度先唔賣關子，秦始皇陵墓足足係用咗39年時間先建成！秦始皇喺執政嘅第二年開始就已經修建陵墓，據《史記·始皇本紀》記載，呢個陵墓就係喺西元前247年至西元前208年興建，當時係由宰相張儀作為陵墓設計師，由將軍章邯現場監工，並且喺全國征選72萬人力修陵，呢個規模據史學家研究直頭係建造胡夫金字塔總數8倍。

作為中國歷史上第一個皇帝陵園，秦始皇陵墓唔單止係面積大，而且仲有眾多隨葬物，而地宮之內據講亦都有唔少機關陷阱，所以先要用到咁多人力物力。之不過，歷代都有唔少史學家提出質疑，就係既然都要用到咁多人去興建，點解又會用上咁耐時間？會唔會係司馬遷為咗勸諫漢武帝唔好大修陵墓而暗喻虛構一個咁長嘅年份呢？唔知史友們又點睇！

原圖嚟自網絡