繼續同史友們探討一啲歷史上嘅未解之謎，義薄雲天關雲長嘅故事史友們應該都聽唔少，喺歷史上呢位英勇嘅將領敗走麥城，最終被孫權大將潘璋部將馬忠捕殺，首級更加被送到洛陽曹操處，英雄就此末路。
喺當時就流傳住關羽「身臥當陽，頭枕洛陽」傳說，咁到底事實係點呢？隨住20世紀對關庄村關羽墓嘅關掘，學界普遍就認定成都關羽墓係衣冠冢、關林係後來建嘅祀祠之所，至於關莊村關羽墓先至係真正安葬關羽頭顱之處。
值得一提，其實喺考古發掘嘅過程中，考古團隊就喺關羽墓當中搵到一具頭骨，更加神奇嘅係，墓中竟然係兩具女屍，其中一具更加有唔少人懷疑就係貂蟬。之不過，喺專家結合墓室結構、隨葬品以及文獻之下就推論，既然一代梟雄關羽連死後連一副完整嘅屍首都冇，就更加難會有貂蟬陪葬；而且，呢兩具女屍係曾經有掙扎痕跡，所以好大機會係因盜墓女賊因為墓室設計有偏差而陷入其中而死。

原圖嚟自網絡