年羹堯被處決後 屋企收埋七隻字令雍正吐血？

繼續同史友們探討一啲有趣嘅歷史故事，康熙、雍正以及年羹堯三人之間嘅故事相信史友們都聽過唔少，呢位喺兩朝帝王之下嘅重要將領生平立下唔少汗馬功勞，既擁立雍正帝即位，亦都曾經平定青海叛亂等等，令到佢權傾朝野，不過後來因為擁兵自重，目無法紀，最終都係被雍正帝賜死。唔知史友們有冇聽過，其實年羹堯被處決，屋企收埋嘅七隻字激到雍正吐血？

喺西元1725年，當雍正決心除去年羹堯之時，先係搵理由免去佢川陝總督職務，繼而再去搜集佢嘅罪證。由於朝中唔少大臣都受過佢嘅欺壓，一時之間就有好多份上書揭發年羹堯罪狀。最終，給年羹堯被定92條大罪，小罪數百條，雍正帝亦都決定法外開恩，只係賜年羹堯自盡。

而當官員查抄年羹堯府邸果陣，就搵到一張帳冊記錄官員送畀年羹堯每一件物品，其中關於康熙帝，雍正帝嘅物品，年羹堯就寫咗「皇帝揮毫不值錢」七隻字，得知呢個消息之後，雍正帝當堂激到吐血。