「羊車望幸」背後 有幾奢侈腐化?

早排阿史就同史友們介紹咗西晉王朝有幾鍾意炫富，當中就有提到晉武帝司馬炎曾經進行過「羊車望幸」呢件事，咁到底「羊車望幸」即係做啲咩，背後又有幾奢侈腐化呢？今次阿史就同大家講一講啦！

司馬炎係晉朝開國君主，喺滅吳統一全國之後，佢就曾經創造過「太康之治」，而喺滅吳之時，佢就將孫皓後宮五千名宮女納入後宮，形成萬人規模。要知道喺歷史上司馬炎好色荒淫，但要喺過萬妃子當中揀臨幸邊一個其實都有啲困難，咁所以為咗解決呢個問題，佢就諗到「羊車望幸」呢個方法。

所謂「羊車望幸」，其實就係喺妃子官殿門前灑上鹽水，任由羊車喺宮苑裏隨意行走，最終睇下羊車喺邊度停低，佢當日就寵幸邊位嬪妃，呢個就係「羊車望幸」嘅故事喇！