西漢時期對抗匈奴嘅名將霍去病相信唔少史友都聽過佢大名，之不過呢位年輕嘅將領喺二十三歲之齡就因病去世。霍去病手握兵深得皇帝信任，但原來喺歷史上佢就做過一件令人諗唔明嘅事，阿史今次就同大家講一講啦！

喺某次出征，漢武帝賞賜咗霍去病十車肉，等佢去犒勞手下士兵，如果就咁聽到呢句，可能唔少史友都會跟住做去派畀其他士兵。之不過當時霍去病反其道而行，反而將呢啲肉放到臭晒都唔派畀任何人，咁到底係點解呢？原來當時皇帝賞賜物品畀官員，如果官員將呢啲物品就咁畀咗其他人，就會有結黨營私之嫌疑。而霍去病咁做，就係想打消皇帝疑心。

雖然霍去病咁做係可以打消結黨營私嫌疑，但換過角度睇就係有媚上嘅嫌疑，唔知史友們又點睇呢？

原圖嚟自網絡