繼續同史友們探究一啲歷史上嘅謎題，喺歷史上每逢有朝代興替，期間都必定會爆發連場混戰，期中三國時期百幾年間更加發生過多場戰爭，人口大減。之不過唔知史友們有冇留意到，好似三國時期並冇出現到兵源枯竭嘅現象，到底當中有咩原因呢？今次阿史就同大家講一講啦！

喺制度上而言，其實當時無論係魏蜀吳都有自己嘅一套方式去穩定兵源，就好似魏吳兩國的都有實行兵役制度，部分嘅家庭係會被列為「軍戶」，一旦有呢個認定，咁好多時候你嘅後代都需要當兵，甚至連結婚都只可以同其他軍戶結，唔可以同平民通婚。至於蜀國當時由於部隊多數都係外地人，起初嘅兵源就係相對穩定。

雖然話三國時期百幾年間都爆發過唔少大戰，之不過其實喺亂世當中佢哋都識得休養生息。就好似曹操鎮壓黃巾軍後，係會將當中部分戰俘送去屯田，亦都喺全國推行屯田制度置田官，解決糧食問題。至於諸葛亮，亦都會喺每次出兵之前休養生息，令到國家「國以富饒」，所以大家都可以兵源不絕。

原圖嚟自網絡