盜墓者最怕遇到呢種墓葬？

喺中國傳統嘅文化入面，「事死如事生」都係重要嘅一個信仰，所以古人喺死亡之時都會搵嚟唔少生前用到嘅物品、金銀珠寶等等陪葬，而呢個傳統亦都引嚟歷朝歷代有唔少人嘗試盜墓。

對盜墓賊嚟講，最驚嘅往往都只有兩件事，就係畀人捉到同埋搵唔到個墓葬，之不過其實佢哋仲驚一樣嘢，就係驚遇到以下呢一種墓。阿史所講嘅墓葬並唔係秦漢年間嘅覆鬥式墓葬、亦都唔係魏晉年間嘅山石拱門狀又或者後來開山建成嘅墓葬，反而係呢種「流沙墓」。

「流沙墓」睇落就好似好簡單，但其實係古人專門諗出嚟對付盜墓者，呢種墓葬表面都有一層覆土，但清除咗之後就會令到挖掘者陷入流沙，當中尖銳嘅石頭以及流沙就會好快將盜墓者活埋。喺湖北省襄陽市嘅中國第一凶墓當中，就有八十幾個盜墓者死喺呢個「流沙墓」當中，真係嚇死人！