每逢中國有咩戰爭爆發,特別係晚清、近代軍閥混戰再去到抗日戰爭,每個省份都有唔少人挺身而出參軍。正所謂「一方水土一方人」,到底歷史上中國有邊啲省份嘅戰力特別強呢?今次阿史就同大家講一講啦!

首先要介紹嘅一定係大家口中經常講到嘅「無川不成軍」,亦即係川軍。喺唔少戰役當中,川軍嘅強大意志亦都係決勝嘅關鍵,佢哋唔單止善於作戰,而且仲識得運用計謀,所以可以話係相當強大!

其次,就係大家都熟悉、喺清朝開始就協助曾國藩鎮壓太平天國嘅湘軍,喺抗日戰爭期間佢哋亦都令日軍聞風喪膽,立下唔少汗馬功勞。

地處西部地區嘅陝西軍隊、彪悍剛烈嘅江浙軍隊以及「狼兵甲天下」嘅廣西亦都係中國戰力最強嘅五個省份之一,唔知史友們又點睇呢?

原圖嚟自網絡