曾國藩曾經斷言 大清50年內必亡？

提到晚清嘗試力挽狂瀾嘅名臣，相信唔少史友都會即時諗起曾國藩，佢一生都盡心盡力為清朝謀劃，但佢喺太平天國之後同慈禧太后會面，就狠下斷言指「大清50年內必亡」，到底當中有咩原因呢？

其實喺洪秀全「金田起義」之後，太平天國運動就正式展開，清軍亦都不敵而敗退。當時曾國藩就嘗試商辦團練事宜、創建「湘軍」，最終平定太平天國之亂。去到打敗太平天國之後，曾國藩曾經就想憑住呢個勢頭令到清朝再次興盛，但佢嘅部下就同佢講，大清已經「抽心一爛，不出五十年大清將會崩塌」。

當時曾國藩聽到呢句說話仲笑佢短視，之不過當佢同同治皇帝、慈禧太后會面之後，佢就確切斷言呢句說話將會成真。喺會面過程當中，同治皇帝一言不發，而慈禧太后一句同百姓家園重建、洋務運動等令國家進步嘅事宜都冇提及過，只係一心想解散湘軍。憑住呢一點，曾國藩就完全確信大清50年內必亡！