繼續同史友們介紹世界各地嘅一啲最新考古發現，以往要喺地底發現遺址，好多時候都要通過工程強行挖掘先會發現到，但近日喺挪威就有一項科技為考古作出重大貢獻，今次阿史就帶大家睇一睇啦！

喺挪威西南部奧耶斯萊塔（Oyesletta），就有來自挪威文化遺產研究所（簡稱 NIKU）嘅考古團隊喺當地E39沿海高速公路以地質雷達進行搶救性考古。本身呢個項目就已經困難重重，但點知喺過程中佢哋就發現到一艘深埋地底9米巨型維京戰船以及2,000年前鐵器時代一位重要人物墓葬，呢項發現絕對係前所未見。

據考古團隊表示，戰船其實係維京人重要嘅財產，只有重要人物先至會咁樣下葬，而戰船長約9米、闊約1.5米，墓主人身份肯定非比尋常！至於幾時先進行發掘，就要視乎當地政府會否繼續興建公路喇！

原圖嚟自網絡