上次講到西晉奢侈糜爛之風，仲提及過石崇同王愷鬥富爭豪嘅故事。今日阿史就想講講呢位石崇嘅下場。

石崇嘅下場就係慘淡收場。據《晉書》所載，石崇家中有妓叫綠珠，個樣美艷得嚟又善吹笛。當時有位叫孫秀權臣就睇中咗綠珠，於是請使者叫石崇送俾佢。但石崇就話「綠珠吾所愛，不可得也。」連番要求都被拒，孫秀就懷恨在心，於是就屈石崇同淮南王司馬允密謀對付趙王司馬倫，司馬倫得知後就派兵領兵圍金谷園搜捕石崇。當時石崇正响度大宴賓客，知道趙王倫兵馬嚟到時就對綠珠講：「我因你而獲罪」，綠珠就喊住話：「妾當效死君前，不令賊人得逞！」於是綠珠墜樓自盡。最終石崇全家十五人包括阿媽阿哥妻兒無少長皆被害，石崇被殺時只係得五十二歲。

原圖嚟自網絡