鄭和曾經出使去過東洋？

鄭和去東洋？唔係史友睇錯又唔係阿史打錯，的確係有鄭和去東洋呢個講法。

按照明代嘅地理概念，以現時婆羅洲為分界，以東稱東洋，以西叫西洋。鄭和去東洋，相傳目的地就係日本，《明史紀事本末》透露有一啲記載：「先是帝命太監鄭和等齎諭諸海國，日本首先歸附，詔厚齎之，封建諸山，賜勘合百道與之期，期十年一貢。」另據《明書·戎馬志》所載，鄭和出使係為咗解決沿海倭寇問題，向日本方面曉諭明成祖旨意。當時室町幕府第三任將軍源足利義滿派遣使節獻上被捕倭寇，仲接受明廷封賞，雙方簽訂《勘合貿易條約》，即「永樂條約」，日本以屬國名義對明朝進行朝貢貿易。

不過咁，鄭和去東洋就始終有唔少歷史學家有啲懷疑。