點解要 「火燒趙家樓 痛打章宗祥」

今日係五月四日，係五四青年節嘅日子，提起呢個節日自然就係同五四運動有關。喺1919年5月4日，北京嘅青年學生為咗抗議巴黎和會當中列強肆意踐踏中國主踏，私行將中國山東權益轉讓畀日本，於是舉行咗聲勢號大嘅遊行示威，最終演變成大規模、各個階層之間嘅罷工罷課。

提起「五四運動」，最具標誌性嘅事件就係「火燒趙家樓、痛打章宗祥」，咁到底當時嘅學生點解要咁做呢？其實呢兩個行動係同當時嘅幾個親日派官員有關！當時由於愛國學生都覺得北洋政府喺和會當中談判不力，而導致呢一切嘅都同交通總長曹汝霖、中國駐日公使章宗祥同貨幣局總裁陸宗輿有關，於是學生就喺遊行期間走到曹汝霖住宅趙家樓抗議，先係衝入去痛打喺入面嘅章宗祥，後來仲火燒埋趙家樓。

後來，警察總監拘捕咗32名學生，事件傳出後就引發全國性大規模罷課、罷工以及罷市，後來北洋政府喺龐大嘅壓力之下先至將曹、陸、章三人免職，更正式拒絕响凡爾賽條約簽字。