崇禎帝係一個合格嘅帝王？

提起明朝嘅歷史，大家除咗會諗起開國皇帝明太祖朱元璋之後，其實仲會諗起亡國之君崇禎帝，咁到底佢係咪一個合格嘅帝王呢？今次阿史就同大家講一講啦！

喺歷史上嘅記載，其實崇禎帝同其他亡國之君唔同，佢並冇沉迷女色、不務正業，佢反而係一生操勞，日以繼夜批閱奏章，節儉自律，不近女色，咁到底一位咁勤力嘅皇帝又等唔等同佢合格呢？喺佢即位之時，佢就大力剷除閹黨，曾六度下詔罪己，呢啲舉動都曾經令到朝野同以往有所改變。

之不過佢自己亦都生性猜忌多疑，權力一直都緊握喺自己手中，呢個舉動亦都令到佢無辦法同官員好好合作，剛愎自用嘅佢甚至聽唔入官員嘅意見，令到朝上基本上冇人敢提出有用嘅意見。至於假如有大臣想提出意見，好容易就會被佢視為叛徒，所以後金就用到反間計令到崇禎殺咗袁崇煥，副將祖大壽毀關降清，北方戰線就係咁樣全潰。咁到底佢係咪一位合格嘅帝王，相信史友們心中都已經有答案喇！