古代要做駙馬 原來要過好多關？

喺唔少影視作品當中，一旦有公主招駙馬都會有一系列兒戲嘅情節出現，咁到底喺歷史上真正嘅招駙馬有咩環節，想做駙馬嘅人又要過幾多關呢？今次阿史就同大家講一講啦！

喺古代，其實「駙馬」最初並唔係指公主嘅老公，而係指喺皇帝出巡之時負責保護皇帝生命安全嘅官員，只係去到唐朝嘅時候先至統一呢個官職要由公主嘅丈夫來擔任，「駙馬」就咁成為佢嘅代名詞。

娶咗公主之後會過上飛黃騰達嘅日子，呢個係唔少人嘅幻想，咁到底歷史上要成為駙馬有幾難呢？首先駙馬本身都要門當戶對、長相俊美、知書識禮，仲要全家都肯對公主行「君臣之禮」，唔單止咁，原來喺宋朝開始仲出現一種「試婚制度」，要由通房丫鬟會測試駙馬嘅身體健唔健康，要通過埋呢一關先至有機會成為駙馬。