如果大家都見過古代同埋現代嘅武器，可能唔少史友都會覺得槍枝會比弓箭更加犀利，呢個觀點某程度都係正確，但就有部分就嘗試以被射中嘅角度比較，得出一個結論就係被古代弓箭射中會更加痛苦，到底當中有咩原因呢？今次阿史就同大家講一講啦！

喺古代弓箭係屬於殺傷力大嘅遠程武器，而要瞭解佢嘅威力，就要喺箭頭開始瞭解。可能唔少史友都以為，一旦中咗弓箭只要拔出箭頭就可以康復，但實情並唔係咁樣。首先唔少箭頭設計都係帶有脊背，呢種設計嘅箭一旦打中人體就好難拔到出嚟，好多時候都會連皮帶肉咁被破壞；而且隨住戰爭發展，部分箭頭甚至出現倒叉，令到中箭者會有鑽心蝕骨嘅痛。甚至後來仲有飛虻箭、木羽箭、風羽箭等嘅種類出現，都係會令到中箭者失血過多、無法醫治，所以呢種武器真係相當恐怖！

原圖嚟自網絡