之前阿史就同史友們講起，其實喺官中嘅繽妃多數都唔係當時最靚嘅女子，之不過喺清朝年間，宮中就曾經出過一位皇后，號稱係「大清第一美人」！咁到底佢有幾靚呢？阿史今次就同大家講一講啦！
阿史所講嘅呢位皇后其實就係清朝乾隆皇帝第一任皇后富察皇后，佢係滿洲鑲黃旗人士、察哈爾總管李榮保嘅女兒，作為官宦世家嘅女兒，佢自然係得到良好嘅教育，琴棋書畫無一不精通，甚至佢早年所寫嘅字仲令雍正覺得相當驚艷。而喺富察氏十五歲之時，佢就被雍正指定為弘曆為福晉，而弘曆亦都相當鍾意呢位夫人。
而喺弘曆即位成為皇帝之後，富察氏亦都好快成為中宮皇后，喺《清史·乾隆後妃傳》記載，佢仲將後官管理得好好。之不過，自古紅顏多薄命，富察皇后喺接連失去永漣、永琮兩位皇子以後，身體狀況每況愈下，最終病死喺船上。而據後人嘗試還原呢位皇后嘅容貌，就發現原來佢唔單止皮膚白皙、眼神溫和，而且仲有一雙柳葉細眉，氣質嫻雅端莊，所以就被稱為「大清第一美人」！
原圖嚟自網絡