司馬懿「三馬食槽」 竟怕「牛繼馬後」？

講到晉代司馬皇朝，阿史就記得佢哋先祖司馬懿同曹操關於「三馬食槽」嘅故事，但原來响司馬懿身上，都有同曹操類似經歷。

「三馬食槽」嘅故事大概係講曹操發夢見到「三馬同食一槽」，醒返之後就搵人解夢，曹操聽完就知道個夢係暗示有三個個姓同馬有關嘅人吞咗佢曹氏嘅一切，呢個故事响《晉書》都有提及。但其實响《晉書》裡面，記載咗司馬懿一個相似嘅經歷。响《晉書·帝紀第六》有載：「玄石圖有牛繼馬後，故宣帝深忌牛氏。」宣帝即係司馬懿，佢對玄石圖「牛繼馬後」呢件事相當在意，於是對姓牛嘅人就相當避忌，更以毒酒將將領牛金毒死。

咁呢個「牛繼馬後」其實係乜嘢一回事呢？原來係同東晉開國皇帝司馬睿有關。據《晉書·帝紀第六》所載，司馬睿原來一佢阿媽王妃夏侯氏同小吏牛氏私通下嘅野種，即係佢真正阿爸係姓牛而唔係司馬。後嚟永嘉之亂司馬睿受琅琊士族擁戴稱帝，令「牛繼馬後」真係實現咗。