繼續同史友們介紹一啲不為人知嘅歷史事實，喺唔少影視作品當中，都將清朝男子嘅髮型塑造到好有型，往往都係頭部嘅前半剃髮，而後半部分就留辮，但到底真實嘅清朝男性髮型又係點樣呢？今次阿史就同大家講一講啦！
其實要知道執行剃髮令嘅時間，正正就係呢個後金馬背民族入關之後，而作為馬背上嘅民族，自然就係好少機會去打理自己嘅頭髮，所以頭髮嘅面積愈多，其實就係愈唔方便。所以，喺歷史上真實清朝男性只留有銅錢大小左右嘅頭髮，而辮子亦都只係好似手指粗細咁，呢種金錢鼠尾辮絕對冇影視作品當中呈現嘅咁好睇。
而去到清中期以及清晚期，滿清自己亦都有啲潮流上嘅變化，乾隆年間男性嘅頭頂就開始留有一大片頭髮，形成一種「豬尾巴」髮型；而去到晚清，當時男性就以有一條又粗又長嘅辮子為榮，所以就展開「牛尾辮」嘅潮流，呢個亦都係影視作品最貼近嘅一個形象，唔知史友們又鍾意邊款呢？
原圖嚟自網絡