繼續同史友們介紹一啲有意思嘅歷史故事，喺勸喻他人衡量自己能力做事嘅時候，大家都會用到「量力而行」呢個詞，但史友們又知唔知呢個詞其實係同一場好有意思嘅戰爭有關？今次阿史就同大家講一講啦！
話說喺春秋時期，當時晉國就派出荀吳去攻打鮮虞包圍鼓國，當時深知敵唔過晉國，鼓國好快就派出使者表示願意帶住城池投降。之不過呢個決定好快就被荀吳拒絕。可能史友們都知問，明明不費一兵一卒可以得到一個城池，睇嚟好似冇乜壞處，但荀吳就認為此舉只會令到城內百姓憎恨，而且如果佢接納呢種叛變行為，其實亦都係包容邪惡，咁就只會失去更多。
於是，荀吳就要求鼓國人先將叛徒殺死，再修繕城池再戰。結果喺晉軍圍攻三個月之下，鼓軍又再次想投降。但荀吳眼冠投降嘅使者明顯係臉色好好有飯食，所以再次拒絕佢嘅投降，要求繼續作戰。睇到呢度可能大家都唔明，明明人地都諗住投降，點解荀吳又再拒絕，咁樣做又對唔對得住君王？
但係荀吳就認為如果得一座城池但城內百姓對佢哋相當憎恨，咁呢座城池係冇作用，反而得到城池嘅時候令到百姓明白道義所有、心悅誠服，咁樣先係對君王負責，呢個就係「量力而行」之舉！
原圖嚟自網絡