今時今日我國嘅人口已經達到十四億，相信史友們對呢個數字既唔會陌生，亦都唔會覺得誇張。喺連場戰亂之下，和平嘅時候迎來嬰兒潮似乎就唔係咩出奇事，喺建國之時我國就已經有5.4億人口。之不過史友們又知唔知其實喺清朝年間，我國嘅人口係曾經經過高速增長呢？今次阿史就同大家講一講啦！
其實喺清朝初國，全國嘅人口就只係得七千萬，呢個數字話多唔多，話少唔少，但如果要打起仗上嚟，就多多都唔夠。咁所以，當時嘅統治者係推出過一系列嘅方法去增加人口。首當其衝就當然係培植水稻、麥子、呼籲全國人民種植土豆、玉米等作物，由根本解決糧食問題。
其次，喺封建嘅古代，令到古人唔生育嘅其中一個原因就係「人丁稅」，由老人去到嬰兒通通都要收取。但清朝年間，清政府就出台「攤丁入畝」嘅政策減輕百姓負擔；甚至仲促進多民族嘅通婚，由經濟去到民族共融嘅問題都一一解決。
喺明朝晚期中國人口其實係處於1億至2億之間，但因為明末清初，流寇擾亂、清兵入塞令到人口跌幅估計達到40％，而經過康雍乾盛世，史學家就認為中國人口係得到波浪式增長型態，去到清朝滅亡時，中國人口維持喺4億3千萬，真係犀利！
原圖嚟自網絡