提起左宗棠呢個晚清名臣，相信史友們腦海中都會諗起佢為晚清作過嘅唔少貢獻。位極人臣嘅佢即時已過花甲，但仍然身居要職，要封侯拜相其實都冇乜問題。之不過喺佢61歲嘅時侯，佢就接連面對噩耗，令到佢必然要諗自己嘅致仕計劃。
其實當時左宗棠已經進駐蘭州，手握十餘萬重兵掌控整個西北，要收復當時嘅新疆亦都唔係問題。之不過，喺完成呢件事之後，佢又可以再做啲乜呢？喺蘭州嘅三年時間入面，佢就為蘭州籌劃陝甘分闈、整修蘭州城牆、建立「蘭州製造局」、「甘肅織呢總局」等等，後來就抬棺出征，成功收復新疆。
喺所有事都做完後，左宗棠就喺家書當中希望家人可以將舊居改造成養老之所，希望可以改成一堂一宅，堂可會賓友，宅可利棲息，喺去世之後就改成祠堂，存放文書信札。
之不過，呢個理想嘅退休生活只係一個幻想，佢曾經多次上書乞休致仕，但由於國事危急，左宗棠就只能先後出任東閣大學士、兵部尚書、兩江總督、閩浙總督等職，最終就喺福州辭世。想要會友讀書嘅退休願望就咁落空！
原圖嚟自網絡