繼續同史友們介紹世上最新嘅考古發現資訊，對考古學者嚟講，取得古人類嘅DNA進行研究一直都係一項夢寐以求嘅事，但奈何DNA並唔係咁容易可以保存到。之不過近日就有一項新發現，令到考古團隊對呢件事返啲信心。
近日丹麥以及意大利嘅研究團隊就發表咗一項考古學研究，呢次研究就對龐具「匠人之家」嘅兩個殘骸進行分析並且嘗試抽取DNA。結果，喺抽取完DNA後，考古團隊竟然可以成功對男性嘅殘骸進行到基因測序並且得到完整嘅基因組。經過比對之後，考古團隊就認為呢具男性遺骸嘅DNA同現代意大利人相似性最大，而羅馬帝國時期嘅意大利區域就冇呢個基因群被發現，反映當時意大利半島有好高嘅遺傳多樣性。
考古團隊相信，呢次嘅發現係因為火山爆發之時火山碎屑對遺體提供咗保護先至可以成功！
原圖嚟自網絡