上次提及過民國地方實力派馮玉祥火燒少林寺，主要原因係佢為咗解決「僧兵」呢個問題，亦有人話過佢之夠膽咁做，係同佢宗教信仰有關。
馮玉祥呢為軍頭，佢其中一個傳奇之處就係佢係一位基督徒，身體力行「以教治軍」。話說佢最初响北平做京衛軍營長時，就去咗崇文門附近一間教堂學習同做禮拜，更响1917年受洗。隨住佢地位愈嚟愈高，佢就响信教個一套响佢管嘅軍隊中推廣，好似嚴禁軍人吃喝嫖賭，軍中亦設有隨軍牧師等，老闆信主佢响手下或多或少跟住信埋，所以佢手下唔少將領都係基督徒。响民國時期，雖然基督教响中國落地生根多年，但社會風氣仍然保守，佛教道教等傳統民間信仰仍然係主流，所以馮玉祥咁破格嘅做法，就時人稱為「基督將軍」。
原圖嚟自網絡