之前就同史友們介紹咗宋朝官員嘅薪酬同埋當時嘅薪酬可以買到啲咩，今次就繼續同大家講下錢，到底清朝一兩銀又可以買到啲咩。
白銀作為貨幣流通喺宋朝就已經確立，喺明朝就得到重要嘅實踐，而去到清朝甚至仲盛行天下，由政府嘅財政收支、再去到國內外嘅工商貿易，白銀都佔據絕對嘅地位。咁到底清朝一兩銀喺當時可以買到啲乜？
要知道喺清朝康熙年間，一兩銀其實就等同一個茶館、茶樓夥記一個月嘅人工，而一兩銀喺當時係可以換到換800文銅錢。如果按咁樣計算，清朝一兩銀係可以買到1石大米（換算返即係142斤），又或者二十斤豬肉，又或者二十斤菜等等，呢啲數字亦都反映當時肉菜價格嘅昂貴。而如果想憑一兩銀買到靚衫，咁就近乎唔可能，因為簡單一件棉長袍就已經需要接近3兩銀，真係唔平啊！
原圖嚟自網絡