尋日提及過秦始皇嬴政微服出巡時遇到盜賊，好彩被侍衛擊殺。其實史友們都應該會記得，嬴政做皇帝前後都曾經經歷過刺殺事件。
最出名自然係六國統一之前嘅荊軻刺秦王，荊軻係戰國末期衛國人，受燕太子丹之託入秦行刺當時仲係秦王嘅嬴政，結果行刺失敗，嬴政亦因呢件事出兵攻打燕國。除咗荊軻，佢好友高漸離就繼承佢遺志。後嚟秦始皇愛惜佢音樂才藝，免佢死罪，用馬糞熏瞎佢雙眼，留响宮中當樂工擊筑。而高漸離就趁一次秦始皇聽樂聽得入迷，於是用灌咗鉛嘅筑向嬴政擊去，最後失敗咗，死罪難免。
而响嬴政成為始皇帝後，其實仲發生咗一次行刺未遂事件，就係張良行刺嬴政事件。據《史記‧ 留侯世家》所載：「秦皇帝東游，良與客狙擊秦皇帝博浪沙中，誤中副車。秦皇帝大怒，大索天下，求賊甚急，為張良故也。」
嘩！嬴政真係仇口多。
原圖嚟自網絡