最近阿史同秘書係咁打手遊，佢老人家就好鍾意同蔡文姬呢個角色，當然佢做輔助好似成日都唔係好輔助到，送頭不斷，真係想拉黑佢。
蔡文姬係東漢晚期嘅著名才女，爸爸係東漢名士蔡邕，一直以來都有唔少關於蔡文姬嘅傳奇故事，其中一個就係「文姬歸漢」。話說响漢獻帝興平年間，南匈奴南侵，將佢從家鄉陳留圉擄掠返北方，後嚟蔡文姬就為左賢王所得，結果佢响匈奴一住就住咗十二年，仲生咗兩個仔。
後嚟佢漢室就將佢從匈奴贖返返嚟，返到中原後仲改嫁咗俾董祀，安頓好生活後佢就憑記憶寫出父親已遺失嘅文稿四百餘篇。至於漢室將佢贖返返嚟就同一個人有關，就係曹操喇！曹操本身同蔡邕係好友，當曹操成為丞相後，佢就決定將故人之女贖回。曹丕响《蔡伯喈女賦》序中就曾提及：「家公與蔡伯喈有管鮑之好，乃命使者周近持玉璧與匈奴，贖其女還，以妻屯田郡都尉董祀。」照咁睇，曹操都真係有知心友。
原圖嚟自網絡