提到雍正呢位帝王，相信唔少史友腦海當中都會諗起呂四娘呢個傳說人物，雖然雍正係一代嘅帝王，但就離奇地喺盛年暴斃，到底雍正嘅離世同呂四娘有冇關係呢？今次阿史就同大家講一講啦！
先解答呢個疑問，就要由呂四娘呢個人物開始入手。呂四娘到底係咪真實存在，本來就已經係一個好難證實嘅命題，有說佢係當時大俠甘鳳池弟子，而更多嘅講法就係指呂四娘其實就係因為雍正製造「文字獄」而慘遭滅門嘅呂留良之孫。喺經過精心學習武藝，佢為咗報仇就以選妃之名混進皇宮，最終以血滴子套去雍正帝首級。
之不過，呢個當然就係民間傳說啦，事關清廷嘅官方記載就指，雍正帝真正死因唔係呂四娘所害，而係病死。咁到底呢個講法係真係假？咁可能真係要驗一驗先知喇！
原圖嚟自網絡