鍾意行博物館嘅史友們，呢排就有一個重大好消息公布，就係香港嘅故宮博物館將會喺7月開幕，而更加重要嘅係，將會有近千件由北京故宮博物館借出嘅文物嚟到香港展出！咁到底有咩展品可以欣賞？阿史就率先帶大家睇一睇啦！
呢次由北京故宮借出嘅文物數量接近千件，當中種類豐富、名作雲集，全部都係喺186萬件藏品當中精挑細選，係自故宮博物院1925年成立以嚟最大規模藏品出境外借。喺呢文物當中，有166件係屬於「國寶」級別一級文物，真係相當難得！
當中除咗有造工精美嘅乾隆款桐蔭仕女圖山子、《洛神賦圖》（北宋摹本）之外，仲有國家一級文物江山秋色圖卷、行書研山銘卷、乾隆款畫琺瑯八棱開光山水花鳥圖提梁壺等等，史友們必定可以大飽眼福！
原圖嚟自網絡