今日睇新聞，話長洲出現水龍捲，唔知點解每次聽到水龍捲都覺得好恐怖，可能覺得破壞力好大容易造成傷亡。
睇返據香港天文台資料，從1959年至2022年香港出現過41次水龍捲，當中六月七月同八月係出現歷年水龍捲嘅高峰期，因為水龍捲出現同冷熱空氣造成唔同氣流，响向外擴散過程造成水龍捲狀況，而夏天海水溫度同空氣溫度差距較大，所以會較容易形成。講到水龍捲，响上世紀八十年代就發生過水龍捲導致人命傷亡嘅事故。1986年時出現咗一次水龍捲，吹咗過兩艘漁船，船上四人因而遇溺喪生。
講開有講，記得大台早幾年有套戲，係話個女主角捲入咗個水龍捲度之後穿越咗去張保仔個時代，唔知點解阿史見今日有水龍捲就諗起大台個啲特效畫面。
原圖：香港天文台