《大公報》呢份報章相當唔少史友都相當熟悉，而今年對《大公報》嚟講、對國人嚟講都係一個相當特殊嘅日子，事關今日正正就係《大公報》創刊120周年！
《大公報》喺1902年6月17日創刊於天津嘅法租界，之所以叫做《大公報》，全因為呢份報刊係秉承「忘己之為大，無私之謂公」嘅精神。《大公報》嘅創辦人正係輔仁大學倡議者之一英斂之，當時佢係希望通過呢份報刊做到「開風氣，牗民智，挹彼歐西學術，啟我同胞聰明。」
而喺1916年9月，英斂之將報館售予股東之一王郅隆，自此《大公報》由書冊式改成通欄式，並且喺後來新文化運動期間發表過唔少有影響力嘅文章。喺唔同時代，《大公報》始終與民族同呼吸，與國家共命運，就好似喺1926年就提出過「四不」辦報方針、抗日戰爭時期就表明會「吃下砒霜，毒死老虎，以報國仇」、新中國成立後就頂住港英政府壓力，傳遞新中國嘅聲音。
嚟到今年，《大公報》創刊120周年，相信呢份世界上現存歷史最悠久嘅中文報紙仍然會弘揚愛國傳統，銳意創新發展！
原圖嚟自網絡