關於秦始皇陵嘅兵馬俑相信史友們都唔會覺得陌生，大家常見嘅俑一般都係軍士俑、立射俑、跪射俑、武士俑等等，但以下呢種陶俑唔知史友們又有冇見過呢？
近排西安秦始皇帝陵博物院考古工作又有新進展，出土於秦陵百戲俑坑嘅「28號俑」修復完成。呢尊陶俑出土於K9901陪葬坑，早喺1999年就曾經展開局部抗掘並喺2011年至2013年進行咗整體重新發掘，一共就喺當中搵到接近30件陶俑。
咁點解阿史要刻意介紹呢個陶俑坑呢？原來呢個坑出土嘅陶俑同大家常見嘅軍士俑、立射俑係好唔同，專家推斷呢批陶俑都係為秦代宮廷提供百戲表演而設嘅百戲俑，所以亦都以此命名。
而經過修復之後，原本殘破十分嚴重嘅陶俑，原來成個姿態係咁奇特，十足十玩緊離技咁樣。到底百戲俑有冇其他形態呢？咁就要等專家進一步修復先知喇！
原圖嚟自網絡