喺唔少關於中國古代嘅宮廷作品入面，大部分朝代嘅女子都係相當順從夫君，可以做到夫妻和睦，但唯獨是有個朝代，唔少嘅歷史名人都畀人一個感覺，就係佢地都好怕老婆。到底當中有咩原因呢？阿史今次就同大家講一講啦！
後世所熟悉嘅「河東獅」、「胭脂虎」其實就係宋朝時期嘅事跡，之不過喺古代封建社會當中，明明就係男尊女卑，但點解又會發生呢啲事呢？原來當時宋朝係流行厚嫁，女方陪嫁之時所送嘅彩禮會比男方多，而對於呢啲彩禮最終嘅處置權，宋朝律例北宋《宋刑統》、南宋《慶元條法事類》規定就規定會由已婚婦女處置。
換言之，如果夫妻雙方協商離婚，嫁妝都要歸還畀女方，一時之間就令到女性家庭地位上升，唔少家庭就有怕老婆嘅現象出現，陳季常、陸慎言當時怕老婆怕到出晒名嘅人物喇！
原圖嚟自網絡