繼續同史友們講講一啲殘酷嘅古代刑罰。提到數一數二嘅酷刑，相信唔少史友都會諗起凌遲、人彘呢兩樣，但其實「點天燈」呢項酷刑都係相當恐怖，今次阿史就同大家介紹下啦！

所謂「點天燈」即係顧名思義要燃點一啲嘢，而呢樣嘢其實就係犯人本身。受刑者係需要將衣服除去，全身披上麻布再浸泡到油缸中，最終就會被掛到木桿上燃點火焰，成個畫面就好似天燈咁樣畀人燃點。雖然聽到好似好難實現，但據聞喺歷史上又真係有三人試過！

其中一位就係董卓，相傳喺呂布殺死佢之後將佢棄屍街頭，但由於士兵認為佢生前太過殘暴，所以上就憤然將佢屍體剖開再放上燈芯，火苗就順勢燒晒佢全身，屍體最終燃燒殆盡。而宋徽宗被金人俘虜後，不堪精神折磨而死後，同樣都被架到石坑上焚燒，甚至仲煉出埋燈油。而最殘忍嘅係，太平天國時期，有位叫做朱九妹嘅女性因為被東王楊秀清睇上，唔肯順從嘅佢雖然一度逃走，但最後就被楊秀清活活點天燈，成為呢種酷刑死得最慘嘅一個！

原圖嚟自網絡