關於我國三艘航母嘅名，相信唔少史友都知道佢哋分別係以「遼寧艦」、「山東艦」以及「福建艦」命名，咁究竟點解會咁命名呢？雖然無標準答案，但網民就認為正好提醒了我們一段段要銘記嘅歷史！
先同史友們談談「遼寧艦」。翻查歷史，喺1894年中日甲午戰爭當中，兩方嘅海軍就曾經喺黃海北部海域進行大規模海戰，呢一役北洋水師失利並且損失五艘戰艦，民族英雄致遠艦艦長鄧世昌壯烈犧牲。咁所以，有網民就認為，第一艘命名為「遼寧艦」嘅航母其實就係提醒大家1894年黃海海戰北洋水師遼寧海域戰敗嘅歷史。至於「山東艦」又點呢樣？有網認就認為，正正係提醒我哋黃海海戰戰敗後三個月，北洋艦隊大小艦艇27艘喺威海衛全軍覆滅嘅呢段慘痛歷史。
至於第三艘戰艦，就命名「福建艦」。有網民就提及，喺1884年中法海戰當中，由於我方裝備落後，福建水師兵艦11艘幾乎都喺馬尾海戰覆滅。咁所以有網民就認為，呢三艘航母嘅命名，其實係喚醒大家記住致遠艦、經遠艦、定遠艦、靖遠艦、揚武艦、濟安艦所受嘅屈辱，以及激發吾輩當自強嘅意志！雖然話就咁話，但呢啲都係非官方講法，唔知史友們又點睇呢？
原圖嚟自網絡