繼續同史友們介紹我國最新嘅考古發現，近日喺四川鹽源縣就召開咗一場鹽源青銅文化與各民族交往交流交融學術研討會，喺會上就公布咗一項新奇嘅考古發現，阿史今次就帶大家睇一睇啦！
早喺2020年4月，考古團隊就對鹽源縣老龍頭遺址展開第四次搶救性發掘，發掘工作嚟到2022年6月，負責嘅考古團隊就喺兩年幾時間內清理商代晚期至西漢初年墓葬1100餘座，並且從中出土超過5000件文物。喺呢批文物當中，除咗有陶器、鐵器、金銀器之外，就以青銅器種類豐富。唔單止有中國境內發現最早嘅三輪馬車實物模型，仲有中國西南地區目前發現最完整嘅青銅腰機（青銅紡織器），而且仲有凸顯出當地獨特信仰崇拜嘅青銅枝形器，真係種類豐富。
呢次發現唔單止為川西南乃至滇西地區青銅文化發展提供咗重要嘅標尺同參照，仲證實咗西南地區各民族係存在交往交流嘅歷史！
原圖嚟自網絡