繼續同史友們介紹一啲經常喺影視劇集聽到，但又唔知道係咪真嘅歷史趣聞。「賞賜黃金萬両」喺唔少古裝劇當中大家都會聽得到，但到底「賞賜黃金萬両」係咪可行，又等同今時今日嘅幾多錢呢？今次阿史就同大家講一講啦！
「黃金萬両」今時今日聽起嚟就好似好多咁，之不過呢度嘅「萬両」同今嘅「萬両」就已經係唔同。喺普遍古代二十四銖為一両、十六兩為一斤，而且每個朝代都會有所不同，例如秦朝一両係相當於今時今日16克、東漢時期就只係得13克左右、唐至清朝時期一両就係37克左右，差距超過一倍。
而如果換呢個計法換算，黃金萬両喺最多嘅時候就有400公斤，但最少嘅朝代就只係得140公斤左右，再結合返金價就即係由5000幾萬到億幾不等，絕對係一個好誇張嘅數目。咁所以係咪真係會賞賜咁多錢呢？史友們諗諗就知喇！
原圖嚟自網絡