繼續同史友們介紹我國最新嘅考古發現，對於夏朝到底存唔存在，呢個問題一直都喺考古學界引起唔少辦論。而隨住愈來愈被認為同夏朝相關嘅遺跡出土，似乎考古學界都開始有啲定論。
近日，喺河南省就舉行咗一場「2022夏文化論壇」，當中河南省文物考古研究所就介紹咗瓦店遺址最新嘅考古研究成果。今次報告嘅遺址就係位於瓦店遺址西北部台地上嘅大型夯土建築基址，由南到北就足足有31米長、東西就寬達26米，面積足足有成800平方米咁大。
喺呢個巨型遺址當中，考古團隊就發現到建築物周圍都有幾條圍溝，當中就有唔少同祭祀活動相關嘅遺存，就好似五穀坑、人骨坑、祭亭類等設施遺跡。而喺附近仲有好多堆積嘅螺蚌，考古團隊就相估係有份參與嘅祭祀者會喺事後舉行宴饗。
上述嘅發現唔單止反映到龍山文化時期嘅祭祀活動係點樣舉行，仲表明喺夏代時期，瓦店遺址係當時成個環嵩山地區政治文化經濟中心之一。
原圖嚟自網絡