喺中國歷史上，每個帝王嘅性格都唔同，有啲對人充滿信任，而有啲就生性多疑，一旦佢哋疑心重到一個地步，就連開國功臣都一樣唔會放過。講到呢一點，明朝嘅皇帝明太祖朱元璋絕對就係當中嘅俵俵者，事關明朝唔超過40位開國功臣當中，有30位都被仍殺害咗。
呢位草根皇帝做過乞丐、做過和尚，心思縝密之餘亦都行事果斷，所以可以喺一片亂世當中建立到明朝。喺佢開國嘅過程中，佢就遇上徐達、常遇春、李善長、劉伯溫等等三十幾位出生入死嘅兄弟，但呢班文韜武略嘅人物好多去到最後都不得善終！相信唔使阿史同大家講，大家都略略聽過當中嘅案件，要講朱元璋點樣殺盡佢哋似乎都大家都知，咁今次就講講冇被朱元璋殺到嘅呢四位啦！
首先就係自小同朱元璋相識嘅湯國公，自小深知朱元璋為人嘅佢即使喺開國之後都冇憑住「親密」關係上位，反而係一直保持君臣距離，自己亦都唔爭名逐利，甚至喺官場巔峰主動辭職，交出兵權，所以先得以保命。
而另一位西平侯沐英，就係朱元璋戰爭期間收嘅義子，年輕之時為佢立咗唔少汗馬功勞，為人低調沉穩，立國之後就一直喺當時偏僻貧瘠嘅雲南，呢個舉動亦令朱元璋放棄殺佢。
武定侯郭英同樣都係一個謹小慎微之人，由於明白到朱元璋嘅本性，所以一生都幾乎冇做過咩出位之事，所以喺朱元璋眼中佢就係能力不足但非常聽話，所以又得以保命。而最後一位耿炳文亦係深受朱元璋信任，事關佢除咗守城之外就冇太大嘅功績，為人相當規矩，所以從來都唔係一個威脅。
原圖嚟自網絡