向來係考古學界重點研究嘅龐貝古城，由於喺火山爆發一刻成個城市好快就被火山灰覆蓋，所以無論由遺骸再去到成個城市建設以及生態保存得相當良好，而近日呢個古城又有新發現喇！
近日，考古人員就喺龐貝古城當中一個現時準備重建嘅公共浴室當中，搵到一隻慘遭活埋2000年嘅懷孕烏龜赫曼陸龜（Hermann's tortoise）。據現場發掘嘅情況分析，考古團隊就相信喺大地震之後百廢待舉，好多房屋喺倒塌之後都等待翻新，而呢啲房屋角落就成為唔少動物嘅生存之地，甚至仲有動物會試圖走入去產卵。而呢隻不幸嘅烏龜本來已經挖好咗地洞準備產卵，但未得切就已經同古城同眠喇！
呢個發現亦都講明咗昔日龐貝古城係存在豐富嘅自然生態，甚至喺農業上都有一定嘅發展。
原圖嚟自網絡